Frontera

Un día como hoy, 25 de febrero de 1927, fallecía el entonces Tte Adolfo Rojas Silva

Un día como hoy, 25 de febrero de 1927, fallecía el entonces Tte Adolfo Rojas Silva, asesinado por fuerzas bolivianas en las proximidades del Fortín Sorpresa. 

El grave incidente fue condenado y forzó a reaccionar en defensa del Chaco, invadido por el enemigo. 

El poeta Emiliano R. Fernández utilizó su genialidad para llamar a la movilización y vengar el cobarde asesinato.
Es considerado el primer mártir en la defensa del Chaco.

ROJAS SILVA REKÁVO
Jaku’éke Paraguái oguahẽmako la hora
jahamívo jaheka Rojas Silva retekue
ñavengáne katuete umi cobarde ojapóva
anichéne opuka guaikuru ñande rehe.

Taheja che ru che sy, Taheja opa ahejáva
ko la patria rayhupápe tamano jepe chave
kóicha oĩ ramo en peligro seriamente amenazada
aipota voi che renói aservi haguã ichupe.

Na’iporãi esta amenaza sapukái en la frontera
umi cobarde asesino guaikurúpe heropy
jaipyso katu en el Chaco tricolor ñane bandera
ha iguýpe jaje’ói umi intruso ñamyendy.

Jajapi Sorpresa ládo Rojas Silva upépe oiméne
ñane hermano infortunado ojejukáva reiete
ivengávo ko jaháta ñaguãhẽne ñaguãhẽne
ha jarúne ave ko’ápe más que sea ikanguekue.

Paraguái rehe ojapo umi indigno ojapóva
ohechava’erá avei icastigo umi ava
ñaguahẽne aipo La Paz-pe tosoro la osoróva
jahapýne umi salvaje: Rojas Silva ñavenga.

Aretéma umi pombéro ñande aperehe oikóva
ñanda’o cada ko’ẽ ñane pichãi manterei
ha ko’ãga ombojo’a con el crimen ojapóva
ñane hermano oasesina ñande yvýpe katui.

Ha pa péicharõ ñande ñane tindýtante jaikóvo
ñaimo’ã jareko’ỹva suficiente korasõ
ma’erãpa mbokaita jaipota rei aipórõ
ñaimo’ã katu mitã cháke kukúpente jaiko.

Tekotevẽma ñañemoĩ jaikuaáva el patriotismo
ñambopyahu jevy haguã ku picada yma guare
ikatu ñaimemimi heredado de heroismo
anichéne ñamotĩ ku Guarani ñande ypykue.

Ipochýne umi tuja Lópe-kue opyta reírõ
amoite Sorpresa ñúme tuguy oñehẽ va’ekue
iporãnte jaje’ói ha pya’e voi ikatúrõ
jajuhúne gueteri Rojas Silva ruguykue.

Ore renói katu para este sacrificio
ore jyva na’ikangyi si la patria oikotevẽ
oimeháicha paraguayo rohura a su servicio
como nieto de los López romanóvo hendive.

Comentarios

Más popular

Hasta arriba